ಅರ್ದಕ್ಕೆ ಓದು ನಿಲ್ಲಿಸಿದ,ಹತ್ತನೇ ತರಗತಿಯ ನಂತರ

ತುಮಕೂರು:ಅರ್ದಕ್ಕೆ ಓದು ನಿಲ್ಲಿಸಿದ,ಹತ್ತನೇ ತರಗತಿಯ ನಂತರ ಕಲಿಯಲಾಗದೆ, ಉದ್ಯೋಗ ಮಾಡಬೇಕೆಂಬ ಗ್ರಾಮೀಣ ಯುವ ಜನತೆಗೆ ಜಿಟಿಟಿಸಿ ಮತ್ತು ಗ್ರಾಮೀಣಾಭಿವೃದ್ದಿ ಮತ್ತು ಸ್ವಯಂ ಉದ್ಯೋಗ ತರಬೇತಿ ಕೇಂದ್ರ ಸೇರುವುದರಿಂದ ವಿದ್ಯೆಯ ಜೊತೆಗೆ, ಉದ್ಯೋಗವೂ ಲಭ್ಯವಾಗಲಿದೆ ಎಂದು ಕೌಶಲ್ಯಾಭಿವೃದ್ದಿ ನಿಗಮದ ಮಾಜಿ ಅಧ್ಯಕ್ಷ ಮುರುಳೀಧರ ಹಾಲಪ್ಪ ತಿಳಿಸಿದ್ದಾರೆ.
ಹೀರೆಹಳ್ಳಿ ಕೈಗಾರಿಕಾ ಪ್ರದೇಶದಲ್ಲಿರುವ ಜಿಟಿಟಿಸಿ ಕೇಂದ್ರದಲ್ಲಿ ಜಿಟಿಟಿಸಿ(ಉಖಿಖಿಅ) ಮತ್ತು ಗ್ರಾಮೀಣಾಭಿವೃದ್ದಿ ಮತ್ತು ಸ್ವಯಂ ಉದ್ಯೋಗ ತರಬೇತಿ ಸಂಸ್ಥೆ(ಖSಇಖಿI) ಸಹಯೋಗದಲ್ಲಿ ಹಮ್ಮಿಕೊಂಡಿದ್ದ ಹತ್ತನೇ ತರಗತಿ ನಂತರ ಗ್ರಾಮೀಣ ಭಾಗದ ಯುವಕರಿಗೆ ಇರುವ ಅವಕಾಶಗಳು ಎಂಬ ವಿಚಾರ ಕುರಿತು ಮಾಹಿತಿ ಕಾರ್ಯಾಗಾರದಲ್ಲಿ ಮಾತನಾಡಿದ ಅವರು,ಜಿಟಿಟಿಸಿ ಸೇರುವುದರಿಂದ ಕಲಿಕೆಯ ಜೊತೆU ಶೇ೧೦೦ರಷ್ಟು ಉದ್ಯೋಗ ಲಭಿಸಲಿದೆ.ಸ್ವಯಂ ಉದ್ಯೋಗ ತರಬೇತಿಯಿಂದ ತನ್ನ ಕಾಲಮೇಲೆ ತಾನೇ ನಿಲ್ಲಬೇಕೆಂಬ ಯುವಜನತೆಯ ಆಶಯ ಈಡೇರಲಿದೆ.ಹಾಗಾಗಿ ಈ ಎರಡು ಕಲಿಕಾ ಕೇಂದ್ರಗಳತ್ತ ಜಿಲ್ಲೆಯ ಯುವಜನರು ಗಮನಹರಿಸಬೇಕೆಂದರು.
ಪದವಿ ಪೂರೈಸಿದ ಎಲ್ಲರಿಗು ಅವರ ವಿದ್ಯಾರ್ಹತೆಗೆ ತಕ್ಕಂತೆ ಉದ್ಯೋಗ ದೊರೆಯುತ್ತದೆ ಎಂಬ ಖಾತರಿ ಇಲ್ಲ. ಹಾಗಾಗಿ ಪಿಯುಸಿಗೆ ಸರಿಸಮಾನ ಜಿಟಿಟಿಸಿಯಲ್ಲಿ ಮೂರು ವರ್ಷಗಳ ಥಿಯರಿ ಮತ್ತು ಒಂದು ವರ್ಷದ ಪ್ರಾಕ್ಟಿಕಲ್ ಶಿಕ್ಷಣ ಪಡೆದರೆ, ಸ್ಥಳೀಯ ಕೈಗಾರಿಕಾ ಪ್ರದೇಶಗಳಲ್ಲಿ ಲಭ್ಯವಿರುವ ಉದ್ಯೋಗವನ್ನು ದೊರಕಿಸಿಕೊಡಲು ಸಂಸ್ಥೆ ನೆರವಾಗಲಿದೆ.ಇದರಿಂದ ಮಕ್ಕಳು ಶಿಕ್ಷಣದ ನಂತರವೂ ಪೋಷಕರಿಗೆ ಭಾರವಾಗಿ ಬದುಕುವುದು ತಪ್ಪುತ್ತದೆ.ಜಿಟಿಟಿಸಿಗೆ ಹೊರದೇಶಗಳೊಂದಿಗೆ ಒಪ್ಪಂದವಿದ್ದು,ಇಲ್ಲಿ ಕಲಿತವರು ವಿದೇಶದಲ್ಲಿ ಹೋಗಿ ಸಹ ಉದ್ಯೋಗ ಮಾಡಲು ಅವಕಾಶ ದೊರೆಯುವ ಸಾಧ್ಯತೆ ಇದೆ ಎಂದು ಮುರುಳೀಧರ ಹಾಲಪ್ಪ ತಿಳಿಸಿದರು.

ಜಿಟಿಟಿಸಿಯ ಪ್ರಾಂಶುಪಾಲ ಅಶ್ವಿನ್ ಕುಮಾರ್ ಸೋಮಣ್ಣ ಮಾತನಾಡಿ,ತುಮಕೂರಿನ ಹಿರೇಹಳ್ಳಿ ಕೈಗಾರಿಕಾ ಪ್ರದೇಶದಲ್ಲಿ ೨೦೦೮ರಲ್ಲಿ ಅರಂಭವಾದ ನಮ್ಮ ಸಂಸ್ಥೆ ಇದುವರೆಗೂ ಸುಮಾರು ೨೦೦೦ಕ್ಕೂ ಅಧಿಕ ಜನರಿಗೆ ತರಬೇತಿ ನೀಡಿದೆ.ಯಾರೊಬ್ಬರು ನಿರುದ್ಯೋಗಿಯಾಗಿಲ್ಲ.ಅಲ್ಲದೆ ಇಂದಿನ ಕೈಗಾರಿಕೆಗಳ ಅಗತ್ಯತೆಯನ್ನು ಅರಿತು,ಅದನ್ನು ಪಠ್ಯಕ್ರಮದಲ್ಲಿ ಅಳವಡಿಸಿಕೊಳ್ಳುವುದರಿಂದ ಕೌಶಲ್ಯಭರಿತ ಕೆಲಸಗಾರರನ್ನು ತಯಾರಾಗುತ್ತಾರೆ. ಅಲ್ಲದೆ ನಾಲ್ಕು ವರ್ಷಗಳ ಕೋರ್ಸ್ನ ಕೊನೆಯ ವರ್ಷ ಕನಿಷ್ಠ ೧೪ ಸಾವಿರ ಮಾಸಿಕ ಶಿಷ್ಯವೇತನದೊಂದಿಗೆ ಸಂಸ್ಥೆಯೊAದಿಗೆ ಒಪ್ಪಂದ ಮಾಡಿಕೊಂಡಿರುವ ಕೈಗಾರಿಕೆಗಳಲ್ಲಿ ಇಂರ‍್ನಶಿಫ್ ಮಾಡುವುದರಿಂದ ಮತ್ತಷ್ಟು ನುರಿತ ಕೌಶಲ್ಯಭರಿತ ಕೆಲಸಗಾರರಾಗುವುದರಲ್ಲಿ ಸಂದೇಹವೇ ಇಲ್ಲ.ದೇಶದಲ್ಲಿ ಸುಮಾರು ೪೦೦ ಹಾಗೂ ತುಮಕೂರಿನಲ್ಲಿ ಸುಮಾರು ೩೦ ಕಂಪನಿಗಳ ಜೊತೆಗೆ ಒಪ್ಪಂದವನ್ನು ಜಿಟಿಟಿಸಿ ಮಾಡಿಕೊಂಡಿದೆ.ಇದರ ಸದುಪಯೋಗವನ್ನು ಯುವಜನರು ಪಡೆದುಕೊಳ್ಳಬೇಕೆಂದರು.
ಗ್ರಾಮೀಣಾಭಿವೃದ್ದಿ ಮತ್ತು ಸ್ವಯಂ ಉದ್ಯೋಗ ತರಬೇತಿ ಸಂಸ್ಥೆಯ ನಿರ್ದೇಶಕ ಅರುಣ್ ಕುಮಾರ್ ಮಾತನಾಡಿ,ಕಳೆದ ಎರಡು ವರ್ಷಗಳಿಂದ ಜಿಟಿಟಿಸಿ ಆವರಣದಲ್ಲಿಯೇ ನಮ್ಮ ತರಬೇತಿ ಸಂಸ್ಥೆ ಕೆಲಸ ಮಾಡುತ್ತಿದೆ

ಅರ್ದಕ್ಕೆ ಓದು ನಿಲ್ಲಿಸಿದ,ಹತ್ತನೇ ತರಗತಿಯ ನಂತರ