ದಲಿತ ಜನಾಂಗದವರಿಗೆ ದೇವಸ್ಥಾನಗಳ ಪ್ರವೇಶಾವಕಾಶ ನಿರಾಕರಿಸಿದವರ ವಿರುದ್ಧ ಕಾನೂನು ಕ್ರಮ ಃ ಡೀಸಿ ತುಮಕೂರು(ಕ.ವಾ.)ಆ.೧೪: ಜಿಲ್ಲೆಯಲ್ಲಿರುವ ೨೪೩೬ ಮುಜರಾಯಿ ಹಾಗೂ ಇತರೆ ದೇವಸ್ಥಾನಗಳಲ್ಲಿ ದಲಿತ ಜನಾಂಗದವರಿಗೆ ಪ್ರವೇಶಾವಕಾಶ ನಿರಾಕರಿಸಿದವರ ವಿರುದ್ಧ ಕಾನೂನು ಕ್ರಮ ಜರುಗಿಸಬೇಕೆಂದು ಜಿಲ್ಲಾಧಿಕಾರಿ ಕೆ. ಶ್ರೀನಿವಾಸ್ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದರು. ಜಿಲ್ಲಾಧಿಕಾರಿಗಳ ಕಚೇರಿ ಸಭಾಂಗಣದಲ್ಲಿ ಬುಧವಾರ ಸಂಜೆ ಜರುಗಿದ ಜಿಲ್ಲಾ ಮಟ್ಟದ ಪರಿಶಿಷ್ಟ ಜಾತಿ/ಪರಿಶಿಷ್ಟ ಪಂಗಡದವರ ಜಾಗೃತಿ ಮತ್ತು ಉಸ್ತುವಾರಿ ಸಮಿತಿ ಸಭೆ ಅಧ್ಯಕ್ಷತೆವಹಿಸಿ ಅವರು ಮಾತನಾಡುತ್ತಾ, ಎಲ್ಲಾ ಮುಜರಾಯಿ ಮತ್ತು ಇತರೆ ದೇವಸ್ಥಾನಗಳ ಮುಂದೆ “ಎಲ್ಲರಿಗೂ ಮುಕ್ತ ಪ್ರವೇಶಾವಕಾಶವಿದೆ” ಎಂದು ಗೋಡೆ ಬರಹ ಬರೆಸಬೇಕೆಂದು ಕಟ್ಟುನಿಟ್ಟಿನ ಸೂಚನೆ ನೀಡಿದರು.
ದಲಿತ ಜನಾಂಗದವರಿಗೆ ದೇವಸ್ಥಾನಗಳ ಪ್ರವೇಶಾವಕಾಶ
